鬧市飛bra

林峯、苗僑偉（三哥）、徐子珊和MCJin，昨日到佐敦拍槍戰戲，現場以林峯和三哥最受市民歡迎，但有位老伯卻誤叫林峯做林海峰，認真搞笑。而徐子珊和MCJin因劇情需要拿着成箱內衣褲狂奔，最後散落四周，搞到七彩靚bra通街飛。

　　無線新劇《雷霆掃毒》昨日在佐敦拍槍戰戲，演出的有林峯、苗僑偉、徐子珊及MCJin等，吸引大批市民圍觀，劇情講徐子珊和MCJin偷運大批內衣褲，並用紙皮箱盛載，但混亂下紙箱爆開，七彩繽紛的bra和內褲在街上四散，此時卻遇上扮演警察的林峯和匪徒開槍駁火。

　　林峯變林海峰

　　三嫂戚美珍也到場探苗僑偉班，現場以林峯和三哥最受歡迎，不時有市民上前要求影相和簽名，但其中一位老伯見到林峯竟誤叫他做林海峰，問林峯有否尷尬？林峯說：「佢系伯伯嚟㗎，唔尷尬，徐子珊都試過畀人叫做徐子淇。」

　　徐子珊表示自己不會在香港買內衣：「唔系怕畀人知我size，只系覺得喺外地買方便啲。」子珊早前拍了一場打毒品針的戲，她就看了張靜初在電影《門徒》一場同樣的戲從中學習。

　　另外，問三哥有否祝賀好友劉德華將榮升老竇以及會否教他湊仔經？三哥說：「唔使教，因為華仔自學能力高，最緊要喺老婆生前生後陪住佢，我諗佢會做到。」對於陳志雲加盟商台，三哥與林峯表示支持，並指志雲口才好適合做電台。

　　MCJin鼓勵書豪

　　至於為NBA球星林書豪寫歌的MCJin表示：「我同林書豪唔系好熟，系我經理人識佢，咁大家先有email聯絡，我系因為睇過佢嘅訪問片段開始留意佢，至於首歌《NickofTime》靈感系嚟自林書豪，首歌系講佢嘅信仰，但唔算系專登為佢寫。」MCJin又說沒刻意給意見予林書豪，只是幾句鼓勵。