45度Santino

45度Santino

人生教練、兩性關係導師，《盛女愛作戰》充斥無數「專家」批判單身有罪，高舉「求愛聖經」打救盛女，引起精神科專科醫生及社會科學學者連線反擊。專家踢爆節目談及的求愛秘技，只屬「偽心理學」，當中絕無心理學理論基礎。

 精神科專科醫生曾繁光指，節目戀愛專家提及的理論並無根據，只是一種坊間心理學︰「即係賣魚佬都識嘅推銷『橋』」。他踢爆節目兩性專家 Santino的 45度角溝通法並無科學根據，但有研究指，兩人若能四目交投超過 20秒，發生戀愛的機會將會較高，「側身同人傾偈係會好，但係無話硬性要 45度， 39度、 47度，總之側身就得」。

曾繁光指，心理學有眾多理論談及兩性關係，如佛洛伊德提出，人類最理想的伴侶，會是自己心中最理想的父親及母親；性學研究大師 John Money亦指，人類出生後腦內會建立戀愛地圖，一生會按需要尋找合適愛侶，「但戀愛受好多因素影響，包括非科學化既緣份，節目既橋搵『宿一宵』就得。」他認為，獨身男女要發展正常關係，基本要有整潔外表，幽默感及豐富知識。

Santino否認 45度角溝通法是其自創，他反駁指，有關知識來自應用心理學，與精神科理論有不同，「我只係買書自學再同其他人交流，精神科醫生就係開藥嘅，醫生唔可以咁樣質疑我地」。節目人生教練 Winnie指，各人只是各師各法，節目亦早已表明不可提倡整容才能覓得伴侶。
o甘你又整容?? 整o左又揾唔到??~~ 

醫生學者踢爆《盛女愛作戰》理論
電視台嘉賓「理論」--兩性關係導師 Santino：望住人要 45度，講兩句望去第二度再番嚟，唔好太興奮，情緒唔好高低起伏。
專家反駁--精神科專科醫生曾繁光：同人傾計最緊要望住人嗰樣，有研究話兩個人四目交投超過 20秒，發生戀愛既機會可以大好多。打側同人傾計係有較好效果，但唔係硬性 45度， 39度、 47度都得㗎。 

電視台嘉賓「理論」--人生教練 Winnie（批評盛女 Bonnie）：你好吱吱喳喳，開口 cheap又低能。你唔開口，聽就好，保持住，你無理由嫁得唔好。
專家反駁--中大性別研究中心主任蔡玉萍：節目將無伴侶歸究成為女性性格缺失同外表缺陷。兩性問題其實仲有性別分隔等環境同文化因素影響。 

電視台嘉賓「理論」--化妝師 Jessica：係人都知道邊種女人會得到男人鍾意。靚呀、身形標準、聽話、唔駁嘴，做齊呢啲嘢唔會無男人。
專家反駁--《字花》編輯洪曉嫻：靠 Speed Dating同 Clubbing識人，根本冇處理到女仔嘅人際關係，完全係度銷售女性身體同婚姻，踩低女性亦貶低埋男性擇偶眼光。

Posted in: 45度Santino